Mol-mulk solig‘i

XV BO‘LIM · 2 bob · 376 test · 14 tuzilish testi

59-bob · 410–417 moddalar

Yuridik shaxslarning mol-mulkiga solinadigan soliq

Rasmiy matnni lex.uz da o‘qish ↗

Bu bobning audio darslari hali tayyor emas.

To‘liq matn

Ellik to‘qqizinchi bob. Yuridik shaxslarning mol-mulkiga solinadigan soliq. To‘rt yuz o‘ninchi modda. Soliq to‘lovchilar. Birinchi qism. Yuridik shaxslarning mol-mulkiga solinadigan soliqning soliq to‘lovchilari (bundan buyon ushbu bobda soliq to‘lovchilar deb yuritiladi) deb quyidagilar e’tirof etiladi: Birinchi band. O‘zbekiston Respublikasi hududida ushbu Kodeksning to‘rt yuz o‘n birinchi moddasiga muvofiq soliq solish obyekti hisoblanuvchi mol-mulkka ega bo‘lgan O‘zbekiston Respublikasi yuridik shaxslari; Ikkinchi band. O‘zbekiston Respublikasi hududida ko‘chmas mulkka ega bo‘lgan O‘zbekiston Respublikasining norezidentlari bo‘lgan yuridik shaxslar. Ikkinchi qism. Agar ko‘chmas mulk mulkdorining joylashgan yerini aniqlashning imkoni bo‘lmasa, ushbu mulkka egalik qiluvchi va (yoki) undan foydalanuvchi shaxs soliq to‘lovchi hisoblanadi. Uchinchi qism. Agar yuridik shaxs ko‘chmas mulkni moliyaviy ijaraga (lizing) olgan bo‘lsa, u ham soliq to‘lovchi deb e’tirof etiladi, bundan ushbu Kodeksning to‘rt ming sakkiz yuz oltinchi moddasida nazarda tutilgan hollar mustasno. Izoh: bir ming yuz yigirma olti sonli qonun, ikki ming yigirma olti-yil tahririda. To‘rt yuz o‘n birinchi modda. Soliq solish obyekti. Birinchi qism. Ko‘chmas mulk yuridik shaxslarning mol-mulkiga solinadigan soliq (bundan buyon ushbu bobda soliq deb yuritiladi) soliq solish obyekti hisoblanadi. Ikkinchi qism. Ko‘chmas mulk jumlasiga quyidagilar kiradi: Birinchi band. ko‘chmas mulkka bo‘lgan huquqlarni davlat ro‘yxatidan o‘tkazuvchi organlarda ro‘yxatdan o‘tkazilishi lozim bo‘lgan binolar va inshootlar; Ikkinchi band. qurilishi tugallanmagan obyektlar. Qurilishi tugallanmagan obyektlarga qurilish obyektiga doir loyiha-smeta hujjatlarida belgilangan normativ muddatda qurilishi tugallanmagan obyektlar, agar qurilishning normativ muddati belgilanmagan bo‘lsa, ushbu obyektning qurilishiga vakolatli bo‘lgan organning ruxsatnomasi olingan oydan e’tiboran yigirma to‘rt oy ichida qurilishi tugallanmagan obyektlar kiradi; Uchinchi band. temir yo‘llar, magistral quvurlar, aloqa va elektr uzatish liniyalari, shuningdek mazkur obyektlarning ajralmas texnologik qismi bo‘lgan inshootlar; To‘rtinchi band. qurilish tashkilotlari yoki imoratlarni quruvchilar balansida keyinchalik sotish uchun ko‘rsatilgan turar joy ko‘chmas mulk obyektlari, ko‘chmas mulk obyekti foydalanishga topshirilgandan keyin olti oy o‘tgach. Uchinchi qism. Quyidagi ko‘chmas mulk obyektlari soliq solish obyekti hisoblanmaydi: Birinchi band. notijorat tashkilotlari tomonidan notijorat faoliyatini amalga oshirish doirasida foydalaniladigan obyektlar; Ikkinchi band. uy-joy-kommunal xo‘jaligining va belgilangan maqsadi bo‘yicha foydalaniladigan boshqa umumfuqaroviy ahamiyatga molik shahar xo‘jaligi obyektlari. Uy-joy-kommunal hamda boshqa umumfuqaroviy ahamiyatga molik shahar xo‘jaligi obyektlari jumlasiga shaharlar va shaharchalarni sanitariya jihatdan tozalash, obodonlashtirish hamda ko‘kalamzorlashtirish obyektlari, tashqi yoritish, kommunal-maishiy ehtiyojlar uchun va aholiga oqova suvlarni chiqarib yuborish tarmoqlari (oqova suvlarni tozalash inshootlari bilan), vodoprovod (suv olish va tozalash inshootlari bilan), gaz, qozonxonalar hamda issiqlik taqsimlanadigan tarmoqlar (ularning inshootlari bilan), shuningdek uy-joy-kommunal xo‘jaligi obyektlariga texnik jihatdan xizmat ko‘rsatish va ularni ta’mirlash, boshqaruvchi tashkilotlar yoki ko‘p kvartirali uylarni boshqaruvchilar tomonidan umumiy mol-mulkni boshqarish, unga texnik xizmat ko‘rsatish va uni ta’mirlash, ko‘p kvartirali uylarga tutash yer uchastkalarini obodonlashtirish bo‘yicha xizmatlar ko‘rsatish uchun mo‘ljallangan binolar, shuningdek ko‘p kvartirali uylarda joylashgan ko‘p kvartirali uy mulkdorlarining umumiy mol-mulki kiradi; Izoh: to‘qqiz yuz ellik bir sonli qonun, ikki ming yigirma to‘rt-yil tahririda. Uchinchi band. umumiy foydalanishdagi avtomobil yo‘llari, shu jumladan pulli avtomobil yo‘llari; Izoh: bir ming yuz oltmish ikki sonli qonun, ikki ming yigirma olti-yil tahririda. To‘rtinchi band. sug‘orish va kollektor-drenaj tarmoqlari; Beshinchi band. soliq to‘lovchining balansida bo‘lgan hamda tadbirkorlik faoliyatida foydalanilmayotgan, fuqaro muhofazasi va safarbarlik ahamiyatiga molik obyektlar; Oltinchi band. tabiatni muhofaza qilish va sanitariya-tozalash maqsadlari, yong‘in xavfsizligi uchun foydalaniladigan obyektlar. Obyektlarni tabiatni muhofaza qilish, sanitariya-tozalash maqsadlari va yong‘in xavfsizligi uchun foydalaniladigan obyektlar jumlasiga kiritish tegishli ekologiya va atrof-muhitni muhofaza qilish yoki yong‘in xavfsizligi organining ma’lumotnomasi asosida amalga oshiriladi; Yettinchi band. yer uchastkalari; Sakkizinchi band. "Mahalla servis" kompaniyalari egaligida bo‘lgan mahallalarni obod qilish bilan bog‘liq ishlarni bajarish hamda mahallalar aholisiga qonunchilikda belgilangan ayrim turdagi ijtimoiy ahamiyatli pulli xizmatlarni ko‘rsatishga mo‘ljallangan binolar. Izoh: bir ming yetmish bir sonli qonun, ikki ming yigirma besh-yil tahririda. To‘rt yuz o‘n ikkinchi modda. Soliq bazasi. Birinchi qism. Quyidagilar soliq bazasidir: Birinchi band. ushbu Kodeks to‘rt yuz o‘n birinchi moddasi ikkinchi qismining bir va uchinchi bandlarida nazarda tutilgan obyektlar bo‘yicha - o‘rtacha yillik qoldiq qiymati. Ikkinchi qism. Ko‘chmas mulkning qoldiq qiymati ushbu mol-mulkning boshlang‘ich (tiklanish) qiymati bilan soliq to‘lovchining hisob siyosatida belgilangan usullardan foydalanilgan holda hisoblab chiqilgan amortizatsiya miqdori o‘rtasidagi farq sifatida aniqlanadi. Uchinchi qism. Soliqni hisoblab chiqarish maqsadida ushbu Kodeks to‘rt yuz o‘n birinchi moddasi ikkinchi qismining birinchi bandida nazarda tutilgan obyektlarga nisbatan soliq bazasi quyidagi miqdorlarda bir kv. metr uchun mutlaq miqdorda belgilangan eng kam qiymatdan past bo‘lishi mumkin emas: To‘rtinchi qism. Toshkent shahrida - uch million besh yuz o‘ttiz ming so‘m; Beshinchi qism. Nukus shahrida va viloyat markazlarida - ikki million uch yuz ellik ming so‘m; Oltinchi qism. boshqa shaharlarda va qishloq joylarda - bir million uch yuz to‘qson ming so‘m; Izoh: bir ming yuz sakkiz sonli qonun, ikki ming yigirma besh-yil tahririda. Yettinchi qism. Qoraqalpog‘iston Respublikasi Jo‘qorg‘i Kengesi va xalq deputatlari viloyatlar Kengashlari ushbu bandda belgilangan eng kam qiymatga tumanlarning iqtisodiy rivojlanishiga qarab nol butun besh gacha bo‘lgan kamaytiruvchi koeffitsiyent kiritishi mumkin. Sakkizinchi qism. Agar obyektning bir kv. metri qiymati ushbu bandda belgilangan eng kam qiymatdan past bo‘lsa, soliq to‘lovchi ko‘chmas mulk obyektlari qiymatini mustaqil baholashni amalga oshirishga haqli. Bunda mustaqil baholash natijalari, shu jumladan soliq to‘lovchi tomonidan o‘tgan ikki yilda o‘tkazilgan mustaqil baholash natijalari soliq bazasi sifatida e’tirof etiladi. Izoh: yetti yuz sakson besh sonli qonun, ikki ming yigirma ikki-yil tahririda. To‘qqizinchi qism. Ushbu bandda belgilangan eng kam qiymat tatbiq etilmaydigan ko‘chmas mulk obyektlari qonunchilikda belgilanadi. Izoh: yetti yuz sakson besh sonli qonun, ikki ming yigirma ikki-yil tahririda. Ikkinchi band. ushbu Kodeks to‘rt yuz o‘n birinchi moddasi ikkinchi qismining ikkinchi bandida nazarda tutilgan obyektlar bo‘yicha - tugallanmagan qurilishning o‘rtacha yillik qiymati; Uchinchi band. ushbu Kodeks to‘rt yuz o‘n birinchi moddasi ikkinchi qismining to‘rtinchi bandida belgilangan obyektlar bo‘yicha - mazkur obyektlarning o‘rtacha yillik qiymati (realizatsiya qilinmagan qismi bo‘yicha); To‘rtinchi band. davlat ko‘chmas mulk obyektini bo‘lib-bo‘lib to‘lash sharti bilan sotib olgan xaridorga mol-mulk solig‘i, agar mazkur obyekt uchun unga "tasarruf etish huquqisiz" belgisini qo‘ygan holda davlat orderi berilgan bo‘lsa, obyektning xaridor tomonidan mazkur obyekt bo‘yicha sotib olish to‘lovlarining to‘langan qismiga mutanosib ravishdagi ulushga (foizga) teng o‘rtacha yillik qoldiq qiymati. O‘ninchi qism. Bunda soliqlar davlat ko‘chmas mulk obyekti bo‘yicha sotib olish to‘lovlarini bo‘lib-bo‘lib to‘lash grafigiga amal qilgan holda undiriladi. Ushbu grafik Davlat aktivlarini boshqarish agentligi tomonidan Soliq qo‘mitasiga axborot tizimlari orqali taqdim etiladi. Izoh: bir ming yuz yigirma ikki sonli qonun, ikki ming yigirma olti-yil tahririda. O‘n birinchi qism. O‘zbekiston Respublikasi norezidentlarining ko‘chmas mulk obyektlariga nisbatan soliq bazasi ushbu mol-mulkning o‘rtacha yillik qiymatidir. To‘rt yuz o‘n uchinchi modda. Soliq bazasini aniqlash tartibi. Birinchi qism. Soliq solish obyektlarining o‘rtacha yillik qoldiq qiymati (o‘rtacha yillik qiymat) soliq davridagi har bir oyning oxirgi kunidagi holatga ko‘ra soliq solish obyektlarining qoldiq qiymatlarini (o‘rtacha yillik qiymatlarini) qo‘shishdan olingan summaning o‘n ikkidan bir qismi sifatida ortib boruvchi yakun bilan aniqlanadi. Ikkinchi qism. O‘zbekiston Respublikasi norezidentlarining ko‘chmas mulk obyektlari bo‘yicha soliq bazasi mazkur obyektlarga bo‘lgan mulk huquqini tasdiqlovchi hujjatlarda ko‘rsatilgan qiymat asosida aniqlanadi. Uchinchi qism. Soliq bazasi har bir soliq solish obyekti bo‘yicha alohida aniqlanadi. To‘rtinchi qism. Soliq to‘lovchi tomonidan soliqni to‘lash nazarda tutilmagan faoliyat turlari amalga oshirilgan taqdirda, soliq bazasi soliq solinadigan va soliq solinmaydigan mol-mulk hisobini alohida-alohida yuritish asosida aniqlanadi. Alohida-alohida hisob yuritishning imkoni bo‘lmasa, soliq bazasi soliq to‘lanishi nazarda tutilgan faoliyatdan olinadigan sof tushumning jami sof tushum hajmidagi ulushiga qarab aniqlanadi. To‘rt yuz o‘n to‘rtinchi modda. Soliq imtiyozlari. Birinchi qism. Soliq hisoblab chiqarilayotganda soliq bazasi quyidagilarning o‘rtacha yillik qoldiq qiymatiga (o‘rtacha yillik qiymatiga) kamaytiriladi: Birinchi band. madaniyat va san’at, ta’lim, sog‘liqni saqlash (bundan turistik zonalarda joylashgan sanatoriy-kurort obyektlari mustasno), jismoniy tarbiya va sport, ijtimoiy ta’minot obyektlarining; Izoh: olti yuz ellik to‘qqiz sonli qonun, ikki ming yigirma-yil tahririda. Ikkinchi band. qishloq xo‘jaligi mahsulotlarini yetishtirish va saqlash uchun, shuningdek ipak qurti yetishtirish uchun foydalaniladigan qishloq xo‘jaligi korxonalari balansida bo‘lgan mol-mulkning; Uchinchi band. yangi neft va gaz quduqlarining - ular foydalanishga topshirilgan oydan boshlab ikki yil muddatga; Izoh: yetti yuz qirq bir sonli qonun, ikki ming yigirma bir-yil tahririda. To‘rtinchi band. ro‘yxati O‘zbekiston Respublikasi Prezidentining qarori bilan tasdiqlanadigan yuqori texnologiyali ishlab chiqarishga asoslangan mahsulotlarni ishlab chiqarishni joriy etgan soliq to‘lovchilar obyektlarining yuqori texnologiyali ishlab chiqarish uskunalari egallagan qismi bo‘yicha - ushbu uskunalar foydalanishga qabul qilingan sanadan e’tiboran uch yil muddatga. Izoh: bir ming yuz to‘rt sonli qonun, ikki ming yigirma besh-yil tahririda. Ikkinchi qism. Ushbu modda birinchi qismining uchinchi bandida nazarda tutilgan yangi neft va gaz quduqlariga nisbatan soliq imtiyozlarining amal qilish muddati tugagandan keyin uch yil davomida belgilangan soliq stavkasining ellik foizga kamaytirilgan soliq stavkasi qo‘llaniladi. Izoh: yetti yuz qirq bir sonli qonun, ikki ming yigirma bir-yil tahririda. Uchinchi qism. Quyidagilar soliqdan ozod qilinadi: Birinchi band. yagona ishtirokchilari nogironligi bo‘lgan shaxslarning jamoat birlashmalari bo‘lgan va xodimlarining umumiy sonida nogironligi bo‘lgan shaxslar kamida ellik foizni tashkil etadigan hamda nogironligi bo‘lgan shaxslarning mehnatiga haq to‘lash fondi mehnatga haq to‘lash umumiy fondining kamida ellik foizini tashkil etadigan yuridik shaxslar; Ikkinchi band. umumiy quvvati quyidagicha bo‘lgan qayta tiklanuvchi energiya manbalari qurilmalari: To‘rtinchi qism. yuz kVtgacha bo‘lgan - qayta tiklanuvchi energiya manbalari qurilmalari foydalanishga topshirilgan oydan e’tiboran uch yil muddatga, quyosh panellarining quvvatiga nisbatan yigirma besh foizdan kam bo‘lmagan quvvatga ega elektr energiyasini to‘plash tizimi bilan quyosh panellari o‘rnatilganda esa - ushbu panellar foydalanishga topshirilgan oydan e’tiboran o‘n yil muddatga; Beshinchi qism. yuz kVt va undan ortiq bo‘lgan - ular foydalanishga topshirilgan oydan e’tiboran o‘n yil muddatga; Izoh: bir ming o‘n to‘rt sonli qonun, ikki ming yigirma to‘rt-yil tahririda. Uchinchi band. qishloq joylarda joylashgan (bundan shaharlar va tumanlarning markazlari mustasno) antenna-machta metall konstruksiyalari, shu jumladan ularga o‘rnatilgan hamda ularning ajralmas qismi bo‘lgan konstruksiyalar; Izoh: yetti yuz sakson besh sonli qonun, ikki ming yigirma ikki-yil tahririda. Oltinchi qism. Yangi qurilgan ko‘p qavatli ishlab chiqarish binolari bo‘yicha (bundan respublika shaharlarida, shuningdek Toshkent viloyatining Zangiota, Qibray va Toshkent tumanlarida joylashgan binolar mustasno) soliq to‘lovchilar hisoblangan soliq summasini uch qavatli binoga nisbatan - nol butun to‘qqiz, to‘rt qavatli binoga - nol butun sakkiz, besh qavatli binoga - nol butun yetti, olti qavatli binoga - nol butun olti, yetti va undan yuqori qavatli binoga - nol butun besh pasaytiruvchi koeffitsiyent qo‘llanilgan holda, ushbu binolar foydalanishga topshirilgan oydan e’tiboran uch yildan ko‘p bo‘lmagan muddatda to‘laydi. Bunda ushbu qismda belgilangan pasaytiruvchi koeffitsiyent: Yettinchi qism. mahsulot ishlab chiqarish bo‘yicha faoliyatni amalga oshirish uchun zarur bo‘lgan yordamchi xonalarni, xususan, ofis uchun va o‘zi ishlab chiqargan mahsulotlarni realizatsiya qilish uchun xonalarni, tegishli kasbni egallash uchun tashkil etilgan o‘quv-ishlab chiqarish xonalarini hisobga olgan holda, agar ularning maydoni yangi qurilgan ko‘p qavatli ishlab chiqarish binosi umumiy maydonining yigirma foizidan oshmasa; Sakkizinchi qism. agar binodan bir nechta xo‘jalik yurituvchi subyekt ishlab chiqarish maqsadlarida birgalikda foydalanayotgan bo‘lsa, binoning har bir mulkdori tomonidan qo‘llaniladi. Izoh: bir ming o‘n to‘rt sonli qonun, ikki ming yigirma to‘rt-yil tahririda. To‘rt yuz o‘n beshinchi modda. Soliq stavkalari. Birinchi qism. Soliq stavkasi, agar ushbu moddada boshqacha qoida nazarda tutilmagan bo‘lsa, bir butun besh foiz miqdorida belgilanadi. Izoh: yetti yuz qirq bir sonli qonun, ikki ming yigirma bir-yil tahririda. Ikkinchi qism. Qurilishi normativ muddatda tugallanmagan obyektlarga nisbatan soliq stavkasi uch foiz miqdorida belgilanadi. Izoh: sakkiz yuz o‘n ikki sonli qonun, ikki ming yigirma ikki-yil tahririda. Izoh: sakkiz yuz o‘n ikki sonli qonun, ikki ming yigirma ikki-yil tahririda. Uchinchi qism. Soliq stavkasi quyidagilarga nisbatan nol butun yetti foiz miqdorida belgilanadi: Izoh: bir ming yuz sakkiz sonli qonun, ikki ming yigirma besh-yil tahririda. Birinchi band. umumiy foydalanishdagi temir yo‘llar, magistral quvurlar, aloqa va elektr uzatish liniyalari, shuningdek mazkur obyektlarning ajralmas texnologik qismi bo‘lgan inshootlar; Ikkinchi band. konservatsiya qilinishi to‘g‘risida O‘zbekiston Respublikasi Vazirlar Mahkamasining qarori qabul qilingan ko‘chmas mulk va tugallanmagan qurilish obyektlari. To‘rt yuz o‘n oltinchi modda. Soliq davri. Birinchi qism. Kalendar yil soliq davridir. To‘rt yuz o‘n yettinchi modda. Soliqni hisoblab chiqarish, soliq hisobotini taqdim etish va soliqni to‘lash tartibi. Birinchi qism. Soliq to‘lovchilar soliqni ushbu Kodeksning to‘rt yuz o‘n ikkinchi moddasiga muvofiq aniqlangan soliq bazasidan va tegishli soliq stavkasidan kelib chiqqan holda mustaqil ravishda hisoblab chiqaradi. Ikkinchi qism. Soliq hisoboti soliq bo‘yicha hisobga olish joyidagi soliq organiga yilda bir marta, soliq hisoboti davridan keyingi yilning birinchi martidan kechiktirmay taqdim etiladi. Izoh: sakkiz yuz o‘n ikki sonli qonun, ikki ming yigirma ikki-yil tahririda. Uchinchi qism. Agar ko‘chmas mulk, ushbu Kodeks to‘rt yuz o‘n birinchi moddasining ikkinchi qismi uchinchi bandida ko‘rsatilgan obyektlardan tashqari, soliq to‘lovchining soliq bo‘yicha hisobga olish joyida joylashmagan bo‘lsa, soliq hisoboti ko‘chmas mulk joylashgan yerdagi soliq organlariga taqdim etiladi. To‘rtinchi qism. Soliq davri mobaynida soliq to‘lovchilar (bundan O‘zbekiston Respublikasida faoliyatni doimiy muassasalar orqali amalga oshirmaydigan O‘zbekiston Respublikasi norezidentlari bo‘lgan yuridik shaxslar mustasno) soliq bo‘yicha bo‘nak to‘lovlarni to‘laydi. Beshinchi qism. Bo‘nak to‘lovlar miqdorini hisoblab chiqarish uchun soliq to‘lovchilar joriy soliq davrining yigirmanchi yanvaridan kechiktirmay, yangi tashkil qilinganlari esa, davlat ro‘yxatidan o‘tkazilgan sanadan e’tiboran o‘ttiz kundan kechiktirmay soliq organlariga mo‘ljallanayotgan soliq bazasidan (tegishli yil uchun mol-mulkning o‘rtacha yillik qoldiq qiymatidan (o‘rtacha yillik qiymatidan) va tegishli soliq stavkasidan kelib chiqqan holda hisoblangan joriy soliq davri uchun soliq summasi to‘g‘risidagi ma’lumotnomani taqdim etadi. Soliq bo‘yicha majburiyatlari soliq davri mobaynida yuzaga kelgan soliq to‘lovchilar soliq summasi to‘g‘risidagi ma’lumotnomani soliq majburiyati yuzaga kelgan sanadan e’tiboran o‘ttiz kundan kechiktirmay taqdim etadi. Izoh: sakkiz yuz o‘n ikki sonli qonun, ikki ming yigirma ikki-yil tahririda. Oltinchi qism. Ushbu moddaning to‘rtinchi qismiga muvofiq hisoblab chiqarilgan bo‘nak to‘lovlar quyidagicha to‘lanadi: Yettinchi qism. aylanmadan soliq to‘lovchilar tomonidan - yillik soliq summasining to‘rtdan bir qismi miqdorida yilning har choragi uchinchi oyining yigirmanchi kunidan kechiktirmay; Izoh: sakkiz yuz o‘n ikki sonli qonun, ikki ming yigirma ikki-yil tahririda. Sakkizinchi qism. aylanmadan soliq to‘lovchilar hisoblanmaydigan soliq to‘lovchilar tomonidan - yillik soliq summasining o‘n ikkidan bir qismi miqdorida har oyning o‘ninchi kunidan kechiktirmay. Bunda yanvar oyi uchun yigirmanchi yanvardan kechiktirmay to‘lanadi. Izoh: sakkiz yuz o‘n ikki sonli qonun, ikki ming yigirma ikki-yil tahririda. To‘qqizinchi qism. Soliq davri mobaynida mo‘ljallanayotgan soliq bazasi o‘zgargan taqdirda soliq to‘lovchi soliq summasi to‘g‘risida aniqlashtirilgan ma’lumotnoma taqdim etishga haqli. Bunda soliq davrining qolgan qismi uchun bo‘nak to‘lovlarga soliqning o‘zgarish summasiga teng ulushlarda tuzatish kiritiladi. O‘ninchi qism. Soliq davri uchun to‘lanishi lozim bo‘lgan soliq summasi, bo‘nak to‘lovlar hisobga olingan holda, soliq hisobotini taqdim etish muddatidan kechiktirmay budjetga o‘tkaziladi. O‘n birinchi qism. Soliq davrida soliq bo‘yicha bo‘nak to‘lovlar summasi soliq hisobotida ko‘rsatilgan budjetga to‘lanishi lozim bo‘lgan soliq summasiga nisbatan o‘n foizdan ortiq kamaytirilgan taqdirda, soliq organi bo‘nak to‘lovlarni soliqning haqiqiy summasidan kelib chiqib, penya hisoblagan holda qaytadan hisoblab chiqadi. O‘n ikkinchi qism. O‘zbekiston Respublikasida faoliyatni doimiy muassasalar orqali amalga oshirmaydigan O‘zbekiston Respublikasining norezidentlari tomonidan soliq har yili bir marta soliq hisoboti davridan keyingi yilning o‘n beshinchi fevralidan kechiktirmay to‘lanadi.
Savol berish